TAWAKKAL

الْخُطْبَةُ الأُولَى لِجُمَادِى الأُولَى

الْحَمْدُ للهِ العَلِىِّ اْلعَظِيْمِ الَّذِى خَلَقَ فَسَوَّى، وَالَّذِى قَدَّرَ فَهَدَى. فَسُبْحَانَهُ مِنْ إلهٍ عَظِيْمٍ وَسِعَ كُلَّ شَيْءٍ رَحْمَةً وَعِلْمًا. أَحمَدُهُ سُبْحَانَهُ وَبِحَمْدِهِ يَلْهَجُ أُوْلُو اْلأَحْلاَمِ والنُّهَي. وَأَشْكُرُهُ عَلَى نِعَمٍ لاَ أُحْصِى لَهَا عَدَدًا وَلاَ أَبْلُغُ لَهَا مُنْتَهَى. وأَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ الْمَلِكُ الْكَبِيْرُ اْلأَعْلَى، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى إلَى سَبِيْلِ اْلأَقْوَمِ وَالْمُحَذِّرِ مِنْ طُرُقِ الْهَلاَكِ وَالشَّقَا. اللَّهُمَّ صَلِّ وَسَلِّمْ عَلَى عَبْدِكَ وَرَسُوْلِكَ مُحَمَّدٍ وعَلَى آلهِ وَأَصْحَابِهِ أَئِمَّةِ الْعِلْمِ وَالْهُدَى.

(أَمَّا بَعْدُ) فَيآ أَيُّهَا النَّاسُ : اتَّقُوا اللهَ تَعَالَى فَقَدْ طَالَ إِعْرَاضُكُم ْعَنِ النَّبَإِ الْعَظِيْمِ تَغَافُلاً وَجَهْلاً، وَاعْلَمُوْا أَنَّ مَنْ أَتْقَنَ وَجَزَمَ بِاللهِ نَجَا، وَمَنْ كَفَرَ بِهِ وَاسْتَكْبَرَ طَغَى، وَمَنْ تَوَكَّلَ عَلَيْهِ فَهُوَ كَفَى.

Poro hadirîn jama’ah Jum’ah Rohimakumullôh……

Monggo kito sami nambahi raos ajrih kito dumateng gusti Alloh, sami ugi wonten ing tingkah sisah utawi bingah, tingkah sepen utawi ramé. Lan monggo kito sami menggalih kanti beningipun manah bilih sedoyo ingkang wonten alam dunyo puniko dedamelanipun gusti Alloh, ugi sedoyo ingkang kito raosaké mboten badhé medal saking qodlo’ lan qodaripun gusti Alloh. Dados sinaoso poro makhluk sami ngelampahi mapinten-pinten lelampahan sa’perlu ngasilaké sedoyo gegayuhané, sampun mesthi nopo ingkang badhé dipun hasilaké sampun dipun tento’aké dénéng gusti Alloh awit wekdal ingkang sampun dangu.

Milo monggo kito sami nampi ing pandum lan masrahaké sedoyo perkawis dumateng gusti Alloh sa’sampunipun kito berusaha, keranten kewajiban makhluk mboten langkung namung berusaha ké mawon, déné hasil utawi mbotené puniko namung wewenangipun gusti Alloh.

Salah setunggalipun sifaté gusti Alloh inggih punko “Arrohman” (moho welas asih), ateges gusti Alloh welas dumateng mahlukipun lan mboten badhé nyia’-nyia’aké hak-hakipun poro makhluk, contonipun perkawis rejeki, sedoyo makhluk ingkang sampun dipun cipta’aké dénéng gusti Alloh sampun dipun jamin kebetahan-kebetahan ingkang arupi pangupo-jiwonipun, kados ingkang dipun dawuhaké gusti Alloh :

وَمَا مِنْ دَابَّةٍ فِي اْلأَرْضِ إِلاًّ عَلَى اللَّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا (هود: 6)

Artosipun : “Ora ono mahluk kang nggremet (mlaku) ono ing bumi iki kejobo kabéh rizkiné di tanggung dénéng gusti Alloh”.

Milo monggo kito tansah berusaha, sa’lajeng kito kumandel soho masrahaké sedoyo urusan namung dateng gusti Alloh, mongko Alloh mesthi bakal nyekapi dumateng kito. Sampun ngantos kito kumandel dateng tiang lintu, keranten sa’jatosipun kanggé nyekapi dateng awaké piambak ké mawon sedoyo makhluk mboten saged, langkung-langkung nanggung dumateng tiang sanés. Dipun ceriosaké bilih Nabi Sulaiman puniko salah setunggalipun piantu ingkang sanget jembar bondho-dunyonipun, sedoyo menungso, jin, kéwan lan angin sami tundhuk ndérék peréntehé Nabi Sulaiman, hinggo panjenenganipun rumaos agung. Sa’lajeng salah setunggal dinten Nabi Sulaiman matur dumateng gusti Alloh mekaten : “Duh gusti Alloh, kawulo nyuwun izin dumateng panjenengan sa’perlu badhé maringi rejeki dateng sedoyo makhluk genep sa’tahun”. Gusti Alloh dawuh: “Siro ora bakal sanggup koyo mengkono”. Nabi Sulaiman matur malih : “Menawi mekaten, sa’dinten mawon”. Lajeng gusti Alloh maringi izin dateng Nabi Sulaiman kanggé njamin rejekiné sedoyo makhluk wekdal sa’dinten. Nabi Sulaiman peréntah dateng jin lan menungso supados masak sedoyo werninipun bahan pangan ingkang wonten ing bumi. Masakan kolo wau cekap sa’sampunipun 40 dinten lan dipun salap wonten lapangan ingkang luas supados nyekapi kanggé ngempal sedoyo werninipun makhluk. Sa’lajeng gusti Alloh peréntah dateng salah setunggalipun ulam laut ingkang ageng supados nedhi suguhanipun Nabi Sulaiman, kanti wekdal ingkang sekedhap, sedoyo suguhan kolo wau ludhes di tedhi ulam ageng wau sa’déréngé ulam kasebat ngraos wareg. Subhânallôh.

Milo monggo kito galih kanti sa’éstu, suguhan ingkang kathah kados mekaten namung minangkani tedianipun kéwan setunggal, saking pundi ulam wau pados rejeki kanggé nyekapi kebetahanipun saben dintené? Mekaten ugi saking pundi sedoyo makhluk ingkang wujud wonten ing alam dunyo puniko nyekapi kebutuhané ? Tamtu pikiran menungso mboten saged nampi kawontenan puniko.

Wonten salah setunggaling hadits, kanjeng Nabi ndawuhaké :

عَنْ عُمَرَ بْنِ الْخَطَّابِ رَضِيَ اللَّهُ عَنْهُ يَقُولُ سَمِعتُ رَسُوْلَ اللَّهِ صَلَّى اللَّهُ عَلَيْهِ وَسَلَّمَ يَقُولُ: لَوْ أَنَّكُمْ تَتَوَكَّلُونَ عَلَى اللَّهِ حَقَّ تَوَكُّلِهِ، لَرَزَقَكُمْ كَمَا يَرْزُقُ الطَّيْرَ تَغْدُو خِمَاصًا وَتَرُوحُ بِطَانًا

Artosipun : “Sohabat Umar bin Khottob mireng bilih Rosululloh r dawuh :”Lamon siro kabéh pasrah marang gusti Alloh kelawan sa’temené pasrah, mongko gusti Alloh bakal paring rizki marang siro kabéh koyo déné gusti Alloh paring rizki marang manuk, manuk iku budal ésuk sarono luwé lan bali soré sarono kebak telihé”.

بَارَكَ اللهُ لِي وَلَكُمْ فِي الْقُرآنِ العَظِيْمِِ، وَنَفَعَنَا وَإِيَّاكُمْ بِالآيَاتِ وَالذِّكْرِ الْحَكِيْمِ، إِنَّهُ تَعَالَى جَوَّادٌ كَرِيْمٌ، مَلِكٌ بَرٌّ رَؤُوفٌ رَحِيْمٌ. أَعُوْذُ بِاللهِ مِنَ الشَّيْطَانِ الرَّجِيْمِ ﴿إِنَّمَا الْمُؤْمِنُونَ الَّذِينَ إِذَا ذُكِرَ اللَّهُ وَجِلَتْ قُلُوبُهُمْ وَإِذَا تُلِيَتْ عَلَيْهِمْ آَيَاتُهُ زَادَتْهُمْ إِيمَانًا وَعَلَى رَبِّهِمْ يَتَوَكَّلُونَ. الَّذِينَ يُقِيمُونَ الصَّلاَةَ وَمِمَّا رَزَقْنَاهُمْ يُنْفِقُونَ. أُولَئِكَ هُمُ الْمُؤْمِنُونَ حَقًّا، لَهُمْ دَرَجَاتٌ عِنْدَ رَبِّهِمْ وَمَغْفِرَةٌ وَرِزْقٌ كَرِيمٌ﴾. وَقُلْ رَّبِّ اغْفِرْ وَارْحَمْ وَأَنْتَ خَيْرُ الرَّاحِمِيْنَ.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: