URIP DUNYO MUNG SA’WETORO

الْخُطْبَةُ الثَّانِيَةُ لِرَبِيْعِ الآخِرِ

الْحَمْدُ للهِ الْمَلِكِ الخَلاَّقِ. اَلْوَلِىِّ فَلاَ وَلِيَّ مِنْ دُوْنِهِ وَلاَ وَاقٍ. أَحْمَدُهُ سُبْحَانَهُ وَلَهُ مَالِكِيَّةُ الْحَمْدِ وَاْلإِسْتِحْقَاقِ، وَأَشْكُرُهُ عَلَى إِحْسَانِهِ الَّذِى لاَ يُعَدُّ وَلاَ يُطاَقُ. وَأَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَلاَضِدَّ وَلاَنِدَّ وَلاَمُنَازِعَ وَلاَمُشَاقَّ. وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ وَخَلِيْلُهُ أَشْرَفُ الْخَلْقِ عَلَى الإِطْلاَقِ. اللَّهُمَّ صَلِّ وَسَلِّمْ عَلَى عَبْدِكَ وَرَسُوْلِكَ مُحَمَّدٍ وعَلَى آلِهِ وَأَصْحَابِهِ الْبَرَرَةِ السُّبَّاقَ، إِلَى الإِيْمَانِ وَالْهِجْرَةِ وَالْجِهَادِ وَالإِنْفَاقِ.

(أَمَّا بَعْدُ) فَيآ أَيُّهَا النَّاسُ : اتّقَوُا اللهَ تَعَالَى عِبَادَ اللهِ يَجِبُ عَلَيْنَا السَّعْيُ وَاْلإِكْتِسَابُ، وَاْلأَخْذُ عَلَى التَّيَقُّظِ فِي اْلأَسْبَابِ وَالتَّأَنِّي مُنْتَظِرًا لِفَضْلِ اللهِ رَبِّ اْلأَرْبَابِ، ثُمَّ الصَّرْفُ بِثَمْرَتِهَا زَادًا لِلْمَآبِ.

Poro hadirîn jama’ah Jum’ah Rohimakumullôh …..

Monggo kito sami tansah taqwa dumateng gusti Alloh, ateges ninda’aké sedoyo  peréntahipun lan nebihi sedoyo awisanipun. Lan mangertoso bilih gesang wonten dunyo puniko namung sekedhap bilih di bandhing gesang wonten akhérat ingkang mboten wonten pungkasané. Menawi langkung kito galih, wekdal sa’detik wonten dunyo puniko minangkani bandhinganipun atusan tahun wonten ing akhérat. Ningali dumateng perbandingan kasebat, kanjeng Nabi SAW ngelingaké dumateng kito sedoyo kanti ndawuhaké mekaten :

كُنْ فِي الدُّنْيَا كَأنَّكَ غَرِيْبٌ أَوْ عَابِرِ سَبِيْلٍ

Artosipun : “Onoho siro ing dunyo iki koyo-koyo wong kang lagi lelungan utowo wong kang ngambah dalan”.

Kanjeng Nabi ngibarataké gesang wonten dunyo  kalian tiang ingkang lelungan utawi tiang ingkang ngambah dalan, artosipun sa’dangu-danguné wekdal lelungan utawi melampah wonten margi puniko badhé énggal wangsul, ugi mesthi sanget langkung lami anggénipun netep wonten umahé.

Leres sa’éstu tetembung saking tiang jowo bilih “Urip ono dunyo iku paribasan mampir ngombé“. Milo monggo kito sa’éstu-éstu aggénipun pados sangu kanggé persiapan gesang wonten akhérat, ampun ngantos sangu puniko kirang, nopo malih mboten mbekto sangu babar pisan, amargi wonten akhérat mboten saged pados utangan utawi sambutan. Sedoyo tiang sami ketungkul kalian nasibé piyambak-piyambak kanggé mempertanggung-jawabaké kawontenan gesangé wekdal wonten dunyo dumateng gusti Alloh.

Poro hadirîn Rohimakumullôh …..

Sedoyo ingkang kito gadhahi lan kito remeni wonten gesang dunyo niki mboten sanés namung minangkani paés-paésé gesang ingkang badhé énggal sirno, lan minangkani coba’an tumerap kito. Kados ingkang dipun dawuhaké gusti Alloh :

الْمَالُ وَالْبَنُونَ زِينَةُ الْحَيَاةِ الدُّنْيَا وَالْبَاقِيَاتُ الصَّالِحَاتُ خَيْرٌ عِنْدَ رَبِّكَ ثَوَابًا وَخَيْرٌ أَمَلاً (الكهف : 46)

Artosipun : “Bondho lan poro putro iku minongko dadi pepaésé dunyo, lan amal-amal soléh kang bakal langgeng iku luwih bagus walesé mungguh gusti Alloh lan luwih bagusé perkoro kang di arep-arep”.

Amal-amal soléh ingkang hasilé saged dipun nikmati sa’lami-laminipun puniko ngelimputi sholat, puoso, haji, sodakoh, ugi sedoyo kewajiban lan kesunatan ingkang dipun lampahi namung keranten gusti Alloh. Déné menawi bondho lan putro ingkang tansah kito remeni lan kito trésnani puniko badhé dipun tilar pejah lan saged ndadosaké poncoboyo, kados déné menawi bondho warisanipun dados sumber pecahé keluargo utawi bandhané di tasarupaké wonten kemaksiatan, utawi putro wayahé nggadhahi tingkah ingkang mboten becik menggah masyarakat utawi agomo.

Sedérék Islam ingkang minulyo…..

Tiang ingkang ngrumaosi bilih sedoyo perkawis dipun ukur mawi bondho dunyo, kados-kados déwé’é mboten ngélingi dumateng wontenipun pertanggung-jawaban lan gesang abadi wonten akhérat, mongko tiang kasebat mboten saged ngaso lan nikmati ke’énakané gesang. Kanjeng Nabi SAW dawuh :

قَالَ النَّبِيُّ صلى الله عليه وسلم مَنْ أَصْبَحَ وَالدُّنْياَ أَكْبَرُ هَمِّهِ فَلَيْسَ مِنَ اللهِ فِي شَيْءٍ، وَأَلْزَمَ اللهُ قَلْبَهُ أَرْبَعَ خِصَالٍ: هَمًّا لاَ يَنْقَطِعُ عَنْهُ أَبَداً، وَشُغْلاً لاَ يَتَفَرَّغُ مِنْهُ أَبَداً، وَفَقْراً لاَ يَبْلُغُ غِنَاهُ أبداً، وَأَمَلاً لاَ يَبْلُغُ مُنْتَهَاهُ أَبَداً [1]

Artosipun : Kanjeng Nabi SAW dawuh : “Wong kang ndadé‘aké dunyo tujuan paling utamané, mongko déwéé ora bakal oléh bagian soko gusti Alloh, lan Alloh bakal netepaké atiné déwé’é kelawan tingkah papat : siji, prihatin (nelongso) kang selawasé ora bakal pegot. Loro, Sibuk penggawéan kang ora bakal ono ngangguré.Telu, faqir (ngeroso miskin) kang selawasé ora bakal biso ngeroso sugih. Papat, angen-angen kang selawasé ora bakal tumeko perkoro kang dadi tujuané”.

Sedérék Islam ingkang minulyo…..

Sampun dados tabi’até menungso bilih tansah nggayuh kesugihan lan tansah ngraos kirang. Misal ké mawon tiang ingkang dianugragi mobil ingkang sampun dangu dados kelangenanipun, sampun tamtu piambaké kepéngin nggadhahi setunggal mobil malih, kados meniko sa’terasipun. Padahal ketungkul dateng perkawis dunyo asring nyebebi ngelalé’aké marang gusti Alloh. Puniko kados ingkang dipun dawuhaké gusti Alloh :

أَلْهَاكُمُ التَّكَاثُرُ ، حَتَّى زُرْتُمُ الْمَقَابِرَ  (التكاثر : 1، 2)

Artosipun : “Akéh-akéhan (perkoro dunyo) ndadékno siro podho lali, tumeko siro podho di kubur”.

Sanés jaminan bilih kathahé bondho dunyo pantes dipun sebat tiang ingkang sugih sarto gesangipun tentrem, amargi kesugihan lan ketentreman haqiqi puniko namung saged di wujudaké kanti ikhlasé penggalih anggénipun nampi dumateng qodo’ lan qodaré gusti Alloh.

اَلْغِنَى غِنَى النَّفْسِ

Artosipun : “Kesugihan kang sa’temené iku nrimané ati”.

بَارَكَ اللهُ لِي وَلَكُمْ فِي الْقُرآنِ العَظِيْمِِ، وَنَفَعَنَا وَإِيَّاكُمْ بِالآيَاتِ وَالذِّكْرِ الْحَكِيْمِ، إِنَّهُ تَعَالَى جَوَّادٌ كَرِيْمٌ، مَلِكٌ بَرٌّ رَؤُوفٌ رَحِيْمٌ. أَعُوْذُ بِاللهِ مِنَ الشَّيْطَانِ الرَّجِيْمِ ﴿ وَمَا الْحَيَاةُ الدُّنْيَا إِلاَّ لَعِبٌ وَلَهْوٌ وَلَلدَّارُ اْلآَخِرَةُ خَيْرٌ لِلَّذِينَ يَتَّقُونَ، أَفَلاَ تَعْقِلُونَ ﴾.  وَقُلْ رَّبِّ اغْفِرْ وَارْحَمْ وَأَنْتَ خَيْرُ الرَّاحِمِيْنَ.


  1. 1.          Ihya ‘Ulumuddin juz 3 hal : 391

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: