INFAQ LAN NGEDOHI SIFAT BAKHIL

الْخُطْبَةُ اْلأُوْلَى لِرَبِيْعِ الآخِرِ

INFAQ LAN NGEDOHI SIFAT BAKHIL

الْحَمْدُ للهِ الإِلَهِ الْحَقِّ الَّذِى لاَتُحْصَى أَدِلَّةُ وَحْدَانِيَّتِهِ وَلاَتُعَدُّ. أَحْمَدُهُ سُبْحَانَهُ حَمْدًا يَفُوْقُ الْعَدَدُ. وَأَشْكُرُهُ وَالشُّكْرُ لِحِفْظِ نِعَمِهِ أَوْثَقُ الْوَثَائِقِ وَأَقْوَ الْعُدَدِ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ عَلَى رَغْمِ أَنْفِ مَنْ كَفَرَ بِهِ وَجَحَدَ. وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ أَشْرَفُ مُرْسَلٍ وَأَكْرَمُ مَنْ وُلِدَ. اللَّهُمَّ صَلِّ وَسَلِّمْ عَلَى عَبْدِكَ وَرَسُوْلِكَ مُحَمَّدٍ  وَعَلَى آلِهِ وَأَصْحَابِهِ وَمَنْ إِلَى سُنَّتِهِ اسْتَنَدَ.

(أَمَّا بَعْدُ) فَيآ أَيُّهَا النَّاسُ : اتَّقُوا اللهَ تَعَالَى، وَاعْلَمُوْا أَنَّ اللهَ أَمَدَّ عِبَادَهُ بِأَمْوَالٍ وَأَمَرَهُمْ بِاْلإِنْفَاقِ فِي سَبِيْلِ الرَّشَادِ، فَوَعَدَ مَنْ أَنْفَقَهَا إِمْتِثَالاً بِحُسْنِ اْلإِمْدَادِ، وَتَوَعَّدَ عَلَى الْمُمْسِكِيْنَ بِخُسْرَانِ اْلآبَادِ، فَاتَّقَوْا اَلْبُخْلَ ِلأَنَّهُ يَدْعُوْ حِزْبَهُ اِلَى الْفَسَادِ.

Ma’âsyirol muslimîn Rohimakumullôh….

Monggo kito sami ningkataké raos ajrih kito dumateng Gusti Alloh kanti netepi sedoyo peréntahipun lan nebihi sedoyo awisanipun.

Poro hadirîn ingkang dipun mulya’aké gusti Alloh……

Kito kedah mangertosi bilih shodaqoh puniko kalebet salah setunggaling amal ingkang sanget dipun remeni dénéng gusti Alloh. Pramilo gusti Alloh njanji badhé maringi wales kanti tikel-matikel dumateng tiang ingkang purun amal shodaqoh, kados déné ingkang dipun sebataké wonten ing Al Qur’an :

مَثَلُ الَّذِينَ يُنْفِقُونَ أَمْوَالَهُمْ فِي سَبِيلِ اللَّهِ كَمَثَلِ حَبَّةٍ أَنْبَتَتْ سَبْعَ سَنَابِلَ فِي كُلِّ سُنْبُلَةٍ مِئَةُ حَبَّةٍ، وَاللَّهُ يُضَاعِفُ لِمَنْ يَشَاءُ، وَاللَّهُ وَاسِعٌ عَلِيمٌ  (البقرة : 261)

Artosipun : “Tepo-tulodhoné wong kang nyodaqohaké bandhané ono dalané gusti Alloh iku koyo déné wiji siji kang nyukulaké pitung dompol, ono ing saben-saben dompol iku nduwéni 100 wiji. Gusti Alloh iku dzat kang nikel-nikelaké ganjaran marang wong kang di kersa’aké, Alloh moho jembar lan wicaksono”.

Ayat puniko nerangaké bilih ganjarané shodaqoh badhé dipun tikelaké ngantos dumugi 700 tikelan. Kanti pedoman ayat puniko, segolongan Ulama mbagi shodaqoh dados 4 werni, inggih puniko :

  1. Shodaqoh ingkang ganjarané dipun tikelaké 10 tikelan.
  2. Shodaqoh ingkang ganjarané dipun tikelaké 70 tikelan.
  3. Shodaqoh ingkang ganjarané dipun tikelaken 700 tikelan.
  4. Shodaqoh ingkang ganjarané dipun tikelaké 7000 tikelan.

Déné ingkang dipun tikelaké kaping 10 puniko shodaqoh ingkang dipun paringaké dateng tiang faqir, dipun tikelaké 70 menawi shodaqoh dipun paringaké dateng tiang ingkang anggadhahi hubungan kerabat, dipun tikelaké 700 menawi shodaqoh dipun paringaké dateng sedhérék, dipun tikelaké 7000 menawi shodaqoh dipun paringaké dateng tiang ingkang pados ilmu.

Hadirîn jama’ah jum’ah Rohimakumullôh…..

Mangertoso bilih shodaqoh mboten namung nganggé bondho ké mawon, ananging saged mawi pitutur, ilmu, tenogo lan sa’panunggalanipun, kados dawuhipun kanjeng Nabi SAW :[1]

قَالَ النَّبِيُّ صلى الله عليه وسلم مَنْ كَانَ لَهُ مَالٌ فَلْيَتَصَدَّقْ بِمَالِهِ، وَمَنْ كَانَ لَهُ عِلْمٌ فَلْيَتَصَدَّقْ بِعِلْمِهِ، وَمَنْ كَانَ لَهُ قُوَّةٌ فَلْيَتَصَدَّقْ بِقُوَّتِهِ.

Artosipun : Kanjeng Nabi dawuh : “Sopo wongé kang nduwéni bondho mongko shodaqoho kelawan bandhané, sopo wongé kang nduwéni ilmu, mongko shodaqoho kelawan ilmuné, lan sopo wongé kang nduwéni tenogo, mongko shodaqoho kelawan tenagané”.

Ageng sa’éstu ganjaran ingkang dipun janji’aké gusti Alloh mbénjang wonten dinten kiamat tumerap tiang ingkang purun shodaqoh, ananging sa’jatosipun walesé tiang ingkang lumo (dermawan) puniko ugi saged dipun rahosaké awit wonten dunyané, antawisipun dipun remeni tonggo tepalih, tentrem manahipun lan badhé angsal rizqi ingkang langkung kathah minangkani liru saking bondho ingkang sampun dipun shodaqohaké. Sa’wangsulipun, tiang ingkang cethil puniko dipun gethingi masyarakat, gesang mboten tentrem lan ugi kumet mboten ndadosaké tiang tambah sugih. Ingkang sanget nguwatosaken, kumet saged nyebabi mlebet neroko. Kanjeng Nabi SAW dawuh :

اَلسَّخَاءُ شَجَرَةٌ أَصْلُهَا فِي الْجَنَّةِ وَأَغْصَانُهَا مُتَدَلِّيَاتٍ فِي الدُّنْيَا، فَمَنْ تَعَلَّقَ بِغُصْنٍ مِنْهَا أَدَّتْهُ اِلَى الْجَنَّةِ. وَالْبُخْلُ شَجَرَةٌ أَصْلُهَا فِي النَّارِ وَأَغْصَانُهَا مُتَدَلِّيَاتٍ فِي الدُّنْيَا، فَمَنْ تَعَلَّقَ بِغُصْنٍ مِنْهَا أَدَّتْهُ اِلَى النَّارِ.

Artosipun : Kanjeng Nabi r dawuh : “Loman iku minongko wit-witan kang pokoké ono ing suwargo lan pang-pangé nglémbréh ono ing dunyo, sopo wongé kang gondhélan kelawan pangé wit mau mongko bakal neka’aké déwé’é marang suargo. Déné kumet iku minongko wit-witan kang pokoké ono ing neroko, lan pang-pangé nglémbréh ono ing dunyo, sopo wongé kang gondhélan kelawan pangé wit mau, mongko bakal neka’aké déwé’é marang neroko”.

Wonten hadits lintu Nabi SAW ugi dipun dawuhaké :

تَصَدَّقُوْا عَنْ أَنْفُسِكُمْ وَعَنْ مَوْتَاكُمْ وَلَوْ شَرْبَةَ مَاءٍ، فَإِنْ لَمْ تَقْدِرُوْا عَلَى ذَلِكَ فَبِآيَةٍ مِنْ كِتَابِ اللهِ، فَإِنْ لَمْ تَعْلَمُوْا شَيْئاً مِنْ كِتَابِ اللهِ فَادْعُوْا بِالْمَغْفِرَةِ وَالرَّحْمَةِ، فَقَدْ وَعَدَكُمْ بِاْلإِجَابَةِ.

Artosipun : “Shodaqoho siro kabéh krono awak siro déwé lan krono keluargamu kang wis podho ninggal senajan kelawan sa’ inuman soko banyu, déné menowo siro ora mampu mongko shodaqoh kelawan moco ayat Al-Qur’an, lamon siro ora ngerténi wacan ayat Al-Qur’an mongko ndungoho siro kelawan nyuwunaké ngapuro lan kawelasané pangéran, mongko Alloh wis janji bakal nyembadani ing siro”.

بَارَكَ اللهُ لِي وَلَكُمْ فِي الْقُرآنِ العَظِيْمِِ، وَنَفَعَنَا وَإِيَّاكُمْ بِالآيَاتِ وَالذِّكْرِ الْحَكِيْمِ، إِنَّهُ تَعَالَى جَوَّادٌ كَرِيْمٌ، مَلِكٌ بَرٌّ رَؤُوفٌ رَحِيْمٌ. أَعُوْذُ بِاللهِ مِنَ الشَّيْطَانِ الرَّجِيْمِ ﴿ الَّذِينَ يُنْفِقُونَ أَمْوَالَهُمْ فِي سَبِيلِ اللَّهِ ثُمَّ لاَ يُتْبِعُونَ مَا أَنْفَقُوا مَنًّا وَلاَ أَذًى، لَهُمْ أَجْرُهُمْ عِنْدَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ﴾. وَقُلْ رَّبِّ اغْفِرْ وَارْحَمْ وَأَنْتَ خَيْرُ الرَّاحِمِيْنَ.


  1. 1.          درة الناصحين : 91

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: