PONCO BOYO NGOMBÉ ARAK

الْخُطْبَةُ الرّاَبِعَةُ لِرَبِيْعِ اْلأَوَّلِ
PONCO BOYO NGOMBÉ ARAK

الْحَمْدُ للهِِ الَّذِى شَرَحَ صُدُوْرَ ذَوِى اْلإِيْمَانِ لِلْهُدَى. وَنَكَتَ فِى قُلُوْبِ أُوْلِى الطُّغْيَانِ فَلاَ تَعِى الْحِكْمَةَ أَبَدًا. مَنْ يَهْدِهِ اللهُ فَهُوَ الْمُهْتَدِ وَمَنْ يُضْلِلْ فَلَنْ تَجِدَ لَهُ وَلِيًّا مُرْشِدًا. أَحْمَدُهُ سُبْحَانَهُ مُتَوَكِّلاً عَلَيْهِ مُعْتَمِدًا. وَأَشْكُرُهُ عَلَى نِعَمٍ لاَ أُحْصَى لَهَا عَدَدًا . وَأَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ إِلهٌ حَقٌّ لَمْ يَزَلْ وَاحِدًا أَحَدًا فَرْدًا صَمَدًا. وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ مَا أَكْرَمَهُ عَبْدًا وَسَيِّدًا، وَمَا أَطْيَبَهُ أَصْلاً وَمَحْتِدًا. اللَّهُمَّ صَلِّ وَسَلِّمْ عَلَى عَبْدِكَ وَرَسُوْلِكَ مُحَمَّدٍ. وعَلَى آلِهِ وَأَصْحَابِهِ غُيُوْثِ النَّدَى وُلُيُوْثِ الْعِدَا وَنُجُوْمِ اْلإِهْتِدَا.
(أَمَّا بَعْدُ) فَيآ أَيُّهَا النَّاسُ : اِتَّقُو اللهَ تَعَالَى وَانْتَهُوْا عَمَّا يُفْسِدُ الْعَقْلَ وَالنَّفْسَ وَالْحَيَاةَ إِفْسَادًا، اَلَّذِيْ هُوَ شَرْبُ الْخَمْرِ فَإِنَّهُ يَسُدُّ طَرِيْقَ الْهُدَى.

Poro sedérék jama’ah Jum’ah Rohimakumullôh…
Monggo kito sami njagi taqwa kito dumateng gusti Alloh kanti ninda’aké sedoyo peréntahipun lan nebihi sedoyo awisanipun. Déné menawi kito sa’éstu ngelampahi perkawis puniko, mesthi badhé mbekto keselametan jiwo lan rogo ugi slamet dunyo lan akhérat. Lan mangertoso bilih sedoyo hukumipun gusti Alloh mesthi wonten hikmahipun, misalé gusti Alloh ngaramaké arak (minuman keras) lan maringi ancaman dateng tiang ingkang ngombé. Awisan puniko murni kanggé kesaénané menungso, amargi arak puniko kalebet barang najis lan nggigo’aken, ugi saged ngebong lan nggosongaké otot syaraf otak keranten howo panasipun arak, sehinggo tiang ingkang ngombé arak mboten saged mikir kanti jejeg lan sempurno kados déné tiang ingkang gagar otak utawi kénging penyakit syaraf. Gusti Alloh sampun mastani kotoré arak wonten ing Al Quran surat Al Ma-idah ayat 90 :
يَا أَيُّهَا الَّذِينَ آَمَنُوا إِنَّمَا الْخَمْرُ وَالْمَيْسِرُ وَاْلأَنْصَابُ وَاْلأَزْلاَمُ رِجْسٌ مِنْ عَمَلِ الشَّيْطَانِ، فَاجْتَنِبُوهُ لَعَلَّكُمْ تُفْلِحُونَ (المائدة : 90)
Atosipun : “Duh wong kang podho iman, sa’temené arak, taruhan, braholo lan ngundi nasib iku perkoro jember lan termasuk penggawéané syétan, mongko ngedohono siro kabéh marang perkoro-perkoro mau, mongko siro dadi wong kang bejo”.
Mekaten gusti Alloh nisbataké arak dumateng pendamelané syétan lan peréntah supados dipun tebihi, amargi arak termasuk kotoran ingkang najis lan nyebabaké kerusakan. Mboten namung mekaten, Kanjeng Nabi ugi nglaknat wonten hadits-haditsipun dateng tiang ingkang ngombé arak, ing antawisipun inggih puniko hadits ingkang dipun riwayataken Déwi Aisyah ingkang artosipun mekaten : ” Kanjeng Nabi r dawuh : ” Sopo wongé kang ngombéarak mongko siro kabéh ojo wani-wani ngrabé’no wong mau, menowo dewé’é loro – siro ojo ngéndangi, menowo dewé’é mati – mongko siro ojo nyolati, demi dzaté gusti Alloh kang ndadé’aké ingsun Nabi, yekti wong kang ngombé arak iku di laknati ono ing kitab Taurot, Injil, Zabur lan Al Qur’an. Sopo wongé kang awéh panganan marang wong kang ngombé arak, mongko gusti Alloh bakal masrahaké jasadé wong mau marang ulo lan kolojengking. Lan sopo wongé kang mbantu keperluané tukang ngombé berarti nulungi ngrubuhaké agomo Islam, lan sopo wongé kang ngutangi tukang ngombé arak berarti mbantu maténi wong Mu’min, lan sopo wongé kang kekancan kelawan tukang ngumbé arak mongko Alloh bakal nggiring wong iku ono dino kiamat kanti ke’adaan wuto tur ora ono kang nuntun”.
Saking dawuh Nabi puniko kito saged angen-angen dumugi sa’ pinten gethingé kanjeng Nabi dumateng tiang ingkang ngumbé arak, penyebabé mboten sanés lan mboten lintu amargi bahayané arak tumerap keséhatan akal, keranten menawi akal mboten jejeg, sedoyo lampahé ugi mboten saged kekontrol lan mesthi gampil tumindak maksiat, ndamel kerusakan, ngelarani tiang sanés bahkan ngantos mejahi tiang lintu. Milo monggo kito jagi awak kito, putro wayah, sedérék lan onco-konco supados ampun ngantos ngelampahi duso ingkang sanget ageng puniko, padahal kenikmatanipun sanget sepélé, mboten sebanding kalian akibatipun.
Kebiasaan umbén-umbénan namung saged mandheg menawi purun angen-angen bahayané arak tumerap akal, masa depan, keluarga, bangsa lan Negara, ugi kalian mangertosi ancaman-ancaman saking gusti Alloh lan kanjeng Nabi.
Sedérék Mu’min Rohimakumulloh….
Kathah sanget akibat awon saking ngombé arak, kados ingkang dipun dawuhaken Syaikh Abu Laits bilih ngombé arak nggadhahi 10 pekerti awon :
1. Ngombé arak ndadosaké tiang sa’pangkat kalian tiang édan, sehinggo dados guyonané laré-laré alit lan winodo menggah tiang ingkang akalé saras.
2. Ngombé arak nyebabi icalé akal lan telasé bondho.
3. Ngombé arak nyebabi permusuhan antawisipun konco raket lan sedhérék.
4. Ngombé arak nyebabi supé dumateng gusti Alloh lan supé sholat.
5. Ngombé arak nyebabi zino, amargi tiang ingkang mendem mboten rumaos menawi ngucapaké tolak dateng éstriné, padahal tolaké dipun hukumi dados.
6. Ngombé arak minongko kunci sedoyo ke’awonan, sebab menawi sampun mendem, mongko gampil anggénipun ngelampahi sedoyo kemaksiatan.
7. Ngombé arak puniko ngelarani dumateng malaikat ingkang tugasé njogo awaké saben-saben tiang, keranten mbekto malaikat wonten tempaté pendamelan faséq.
8. ngombé arak nyebabi wajibé ukuman dicambuk kaping 80, déné menawi puniko déréng dilampahi, mongko wonten akhérat bade dicambuk mawi pecut saking geni neroko.
9. Ngombé arak berarti ngunci lawangé langit saking piambakipun, keranten ngombé arak nyebabaké kesaénan lan dungo mboten ketampi 40 dinten.
10. Ngombé arak nguwatosaké pejah wonten ke’ada’an icalé iman. Na’ûdzubillâh min dzâlik.

بَارَكَ اللهُ لِي وَلَكُمْ فِي الْقُرآنِ العَظِيْمِِ، وَنَفَعَنَا وَإِيَّاكُمْ بِالآيَاتِ وَالذِّكْرِ الْحَكِيْمِ، إِنَّهُ تَعَالَى جَوَّادٌ كَرِيْمٌ، مَلِكٌ بَرٌّ رَؤُوفٌ رَحِيْمٌ. أَعُوْذُ بِاللهِ مِنَ الشَّيْطَانِ الرَّجِيْمِ ﴿ يَا أَيُّهَا الَّذِينَ آَمَنُوا إِنَّمَا الْخَمْرُ وَالْمَيْسِرُ وَاْلأَنْصَابُ وَاْلأَزْلاَمُ رِجْسٌ مِنْ عَمَلِ الشَّيْطَانِ، فَاجْتَنِبُوهُ لَعَلَّكُمْ تُفْلِحُونَ. إِنَّمَا يُرِيدُ الشَّيْطَانُ أَنْ يُوقِعَ بَيْنَكُمُ الْعَدَاوَةَ وَالْبَغْضَاءَ فِي الْخَمْرِ وَالْمَيْسِرِ وَيَصُدَّكُمْ عَنْ ذِكْرِ اللَّهِ وَعَنِ الصَّلاَةِ، فَهَلْ أَنْتُمْ مُنْتَهُونَ ﴾. وَقُلْ رَّبِّ اغْفِرْ وَارْحَمْ وَأَنْتَ خَيْرُ الرَّاحِمِيْنَ.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: